Kechi agi maneni jajadaktsür ?

Tang, teyimlaba otem indang shitak metetdaktsüba, manguba otem asoshi kuli, aji tamang lir. Ibri 11: 1
Aikati koda masüba tia ajuruaka Tsüngrem ajungba indang jembir. Ya kechiba ta asüngdangra, Ibri 11 nung ya telangzüba angur. Iba tapu nung ya “tamang agi” ta aiben jembiba angur. Parnok Tsüngrem nisungtem tensa tasak süaka parnoki takok nung ajangteta aobaji tamang agi liasü. Parnokji reprangdangra asenok ama dang liasü, tashimait liasü, ano aseni bilemba ama bilem. Parnokia tatitang ajuru. Parnokia arendaker alitsü südi, pei sasa Tsüngrem kong lir ta asüngdangba tensaa ajurur südi, saka parnoki tamang agi ajakji kokteta jaja. Iba küm tasen asenokia tamang agi jajatsüla.
Anungji, Tsüngremer sempet tamangji agizükang, aser tamang tenük agi “asenok tamang tetenzük aser tabensadaktsüba Yisu” (Ibri 12 :2) dak rangloker, maneni takoker Khristan taküm asütsü asoshi tamang agi tensa mapang ajak nung jajadi.
Sarasadem : Oba! Tamang tenük agi ajak repranga jajatsü Nai ni yariangma. Amen.