Kechiba Tsüngrem jashidaktsür ?

“Aser meimchir tai temenen alima nung tulu ta, aser parnok temulung nung bilemba teti ta1’hajung dang ta Kibubai angu, Aser meimchir kechiba alima nung yanglu ta Kibuba temulung meyip, aser pa temulung nung jashi.” Lipok 6:5-6
Kechiba Tsüngrem jashidaktsür? Tanü asenok ajaki Iba tasüngdangba ya kanga aroka asen sasa asüngdangdi. Tsüngremi, Pa tashi nung asenok yanglu, Pa tangola apuloktsü, aser ajak dak alaka Pai Pa mesükba nung asenok ya yanglu. Bilemdangang! Asenok koba jenjang ka nung lir?
Tanü, nai Tsüngrem nem tajungtiba agütsür asü mesüra Tsüngrem ang jashidaktsür. Iba jenjang nung ya, asenoki Tsüngrem jashidaktsüra, Tsüngremi asenok dangi temerenshi tulu yoktsüsa aser Tsüngremer temerenshji asenoki makoktsü aser metizüktsü.
Lipok 6:5-6 nung, Tsüngremi, pa sasa kanga jashia ashi, kechiba ni meimchir ya yanglu? Tsüngremi iba ama ya ashitsüsa, asenoki litetbaji majung. Tsüngremi iba putu nung meimchir ajak, tzü agi samatsü, saka Pa tsüngdang kibong ka dang liasü. Noah aser par kibongi dang Tsüngrem pelatsüsa litet nung, Tsüngremi Noah ajanga asenok nem Pa taochi apuloktsü. Tanü, asenoki, asenok ya shiba, kechiba angi alir, kechi inyaker, taküm ya koma aru? Bilemdangdi! Arung, Asenoki anogoshia Tsüngrem peladaktsüdi.
Sarasadem : Temeim Tsüngrem, onoki na jashidakja lira, Ne dang tatok meshir aser onoki Ne sentong raksatsüba asoshi tatok agüjangma. Amen