Kensep timtiba ayokbaji Taylor Swift indang kensep ‘Reputation’ liasü

November 18, 2017 (Agencies): Nüngtugu kentener, Taylor Swift indang kensep ‘Reputation’ November 10, 2017 nü sayaa liasü, aser anogo pezü tsüngda iba kensep million 1.05 yokteta record aika yanglutetogo.
Billboard osang ajanga ashiba agi, 2017 küm best selling album ji Ed Sheeran indang kensep liasü, (919,000 copies) ajisüaka “Bad Blood” ken atenla, Taylor Swift indang kensep iba dang nungjagi timba yokteta pa indang record ji raksatsü.
Swift indang kensep pezübubaji hopta ka tsüngda copy million ka yokteta liasü.
1991 küm nungi tenzüka kensep balala asem sayaba sülen hopta ka tsüngda copy million ka dak tema yoktetbaji Taylor Swift dang lir.
Iba kensep nung ken 15 keta lir, aser item rongnung “Ready for It?”, “End Game”, “I Did Something Bad”, “Don’t Blame Me”, “Delicate”, “Look What You Made Me Do”,
“So It Goes”, “Gorgeous”, “Getaway Car”, “King of My Heart”, “Dancing with Our Hands Tied”, “Dress”, “This Is Why We Can’t Have Nice Things” “Call It What you Want” aser “New Year’s Day” densema lir.