Khekaho Assumi NSBSG tir shimogo

Dimapur, September 09 (Agencies): Youth Resources & Sports, Parliamentary Secretary K. Khekaho Assumi, Nagaland State Bharat Scouts and Guides (NSBSG) Association nung 11buba tir asütsü asoshi Nagaland Secretariat nung pa indang Office Chamber nung September 7, 2017 nü nikongdang 1:00 ako nung mapa benoktsüogo.
Pa nem mapa belenoktsüba maparen ya State Organising Commissioner, John Tochimong lenisüba kübok State Training Commissioner, R. Albert Solo, AQM Kekhrie Theünuo-i teyari agüja IAS, Secretary YRS Anenla S. Longchari aser NSBSG nung tanga State Officials tem matsüngdang agia liasü.
Iba sentong ya Director YRS & Vice President NSBSG Smti. Linda Solo lenisüba kübok agi. State Commissioner NSBSG Vilasielie Pienyü-i sarasadema iba sentong tenzüka liasü.
State Chief Commissioner, Atuo Mezhür Sekhose-i State Headquarters NSBSG tenüng nung tir tasenba agizüka o tatsüka jembia liasü.
Maneni tir tasenbai pa iba association indang tir 11buba shimba atema pelaba lemsatepba den külemi NSBSG tir ka ama pai akokba tashi agi association yaritsü aser inyaktsü asoshi jangraa bilemba shisem. Iba sentong ya NSBSG, State Secretary Chubanungla-i tepelaba o jembir tembang.