Khriekesa FC puri KTC Cup kokogo

Kohima Town Club Cup champions Khriekesa FC,  Minister Dr Nicky Kire aser tanga tongtibang nisungtem den tangokba noksa nung angur. September 9, 2017.

Kohima, September 9 (Agencies): Khriekesa Football Club, Meriema puri Kohima Town Club (KTC) Cup 2017 kokogo.
Tanü final asaya nung Khriekesa puri tesülen nungi atua New Market FC pur 2-1 agi kokogo.
Asaya mezüng shilem nung telok anapronglai kanga meranga asaya saka goal ka danga magütsütet. Kasa mapang nung minute 17buba nung New Market FC nungi asaya Rhitso Mero nem asayar yimya shidak mebenshiba atema yellow card ka agütsü.
Asaya tanabuba shilem nung New Market puri kanga junga asayaa tenzük aser minute 59buba nung Keyidwasaplung-i goal ka idakja parnok tekjakdang sür asayaa ao.
Ajisüaka New Market nungi defender Kevisalie Sechü-i danger zone nung hand ball ka menaba ajanga referee Meyieto-i minute 67buba nung penalty ka Khriekesa pur nem agütsü, koba Yhunshalo Kemp-i kecha aibelen mesüi idaktsü.
New Market captain Stephen Rutsa aser Achamo Shitio na nem minute 70 aser 81buba nung yellow card kaka agütsür minute 90 asayatsü lateta aliba goal 1-1 nung tembang.
Asaya nung mapang apuloktsür asayaba mapang nung minute 103buba nung Neiphrezolie Usou substitute bench nungi aiter minute ka tsüngda nung goal ka idakja parnoki iba asayamung kokogo.
KTC Cup akokba atema Khriekesa pur nem senpet sen 30,000 den trophy aser kuli kaket agütsü aser tanabuba jenjang nung takok angur New Market FC pur nema trophy den kuli kaket aser senpet sen 20,000 agütsü.
Kasa mapang nung tawa tembangba Kohima Football League nung takokernema iba sentong nung senpet agüja liasü kong Ziekezou Sporting Club puri champions trophy den sen 80000 aser kuli kaket o medal agizük aser tanabuba jenjang nung tembanger New Market FC pur nem sen 50000 den medal aser kuli kaket agütsü.
PWD (Roads & Bridges) Minister Dr. Neikiesalie Nicky Kire den Advisor to CM Pangnu Phom, Parliamentary Secretary Dr Neiphrezo Keditsu aser DGP (retired) K Kire nungeri tatembangbuba sentong nung takok angurtem nem sempet agüja liasü.
Kohima Football League 2017 kija sempet angurtem yamai alitsü:

Best Goalkeeper – Medophrezo Kezieo, Khriekesa FC, sen 3000, Trophy & Certificate.
Best Defender – Kevizapu Lhoungu, Ziekezou SC, sen 3000, Trophy & Certificate.
Best Midfielder – Nyithong Magh, Power Comm FC, sen 3000, Trophy & Certificate.
Highest Goal Scorer – Chizüsü Nyusou, New Market FC, sen 3000, Trophy & Certificate.
Player of the Tournament – Kajükho Jonathan Koso, United 16 FC, sen 5000, Trophy & Certificate.
Best Coach – Zakietuolie Khrodi, Ziekezou SC, sen 3000, Trophy & Certificate.
Best Fans Club – New Market FC, sen 5000 & Certificate.
Best Discipline Team – Nagabazar FC, sen 5000 & Certificate.