Kohima Police-i garitem agientsü metetdaktsür

Dimapur, July 8 (TYO) : July 12, 2015 matongdang Kohima jila nung gari lenmang anasa garitem anena ayuba ajak agienang ta Sr. Superintendent of Police, Kohima-i sangdong ka ajanga metetdaktsüogo.
Kohima jila nung traffic timtem aliba ajanga iba mapa ya inyaktsüsa akümer. Latetba anogo sülen garitem mita aodang gari kar danga anena aliba ngura, item gariji bener aotsü aser gari kiburtem dang senchi achitsü, ta Sr. Superintendent of Police, Kohima-isa metetdaktsüogo.
Ano, Kohima jila nung alirtemi traffic police tashi angaa highway nung gari mashi anena mayutsü mepishir, ta paisa shisem.
July 12, 2015 anogo matongdang Kohima nung shishilembartemi “No Parking” private sign board yua aliba agientsü metetdaktsür, ta Sr. Superintendent of Police-isa sangdong ajanga metetdaktsüogo.