Kohima Police-i prangpong aika apu

Kohima, November 19 (TYO): Osang ka angazükba sülen November 11, 2017 aonung 11:10 ako meta Kohima Police aser 10 NAP (IR) senteper Kohima nung Upper Pezieliecie Colony mita ao, aser iba mapang nung Tuensang district kübok Pathso yim nungi Khunou’er jabaso, Sheying (tang telidak Lerie, Kohima) ket nungi pistol aika apu, ta tanü Sr. Superintendent of Police Kohima, Nagaland, Vekhosa Chakhesang, NPS-i sangdong ka nung metetdaktsü.
Pa ket nungi apubatemji: 22 Pistol (country made) ana, Magazine ana, .32 Pistol (country made) ka aser Magazine ka liasü. Iba dak sendakba nung pa anema Kohima North Police Station nung ken o ka benokogo aser maneni bushisüngdangdar, ta sangdong nungsa shia lir.