Korea anasa China nunger mitkar renemshir

Beijing, September 07 (Agencies): Korean peninsula anasa China indang air force temi military exercise agia tzüyim tsütsü nungi ajungbena amakba nungi kümzüktsü asoshi terenemshiba agir, ta China sorkar indang osang ajanga ashi.

North Korea asoshi tashi tuluba nuclear trok buba tendanger anu maneni tendangtsü sentong lir, ta sangdonger anogo ishika lir China-i iba maparen tenzük.

Yellow Sea tiyonglen aliba Bahai Sea, koba ajanga China aser Korean peninsula sadangdaktsür, iba tesem nung Anti-aircraft defence battalion ka Mongulbarnü iba exercise ya agi, ta China mitkar indang website nung sangdong.

Mitkartem ya central China nungi iba tesemi oa ajungben amakba nungi nokdangtsü asoshi drills ya agi, ta kasa sangdong ajanga ashi.

“Mitkartem indang ‘rapid response capabilities’ aser ‘actual combat levels’ junga tendangogo,” ta osang ajanga ashi.

Ali nungi kangabo mebilai tzüyim ajanga aruba targets tem khazüka yiktsü asoshi raraba oset balala amshi, ta iba website ajanga ashi.

“Iba drills ya nükjidong balaka mesüra linük ka temeja asoshi masü, saka mitkar tashi ajungmesotsü asoshi lir,” ta China indang Defence Ministry ajanga Bodhbarnü menur metetdaktsü.

North Korea-i inyakyim ajanga tebilemtsü tali adoka South Korea aser United States-i Korean peninsula nung aircraft carriers aser strategic bombers yoktsü renemba mapang China-i iba mapa inyak.