Kou tashi itdaktsüba aser tobur junga kümdaktsüba chiyongtsütem

Temang touzük shidak ayutsü nükjidong nung chiyongtsü mapang shidak nung aser tajung achiba ajanga temang seret tajemba kümdaktsüba dang masü kou tashi itta aser tobur junga kümdaktsür.
Kou tobur junga kümdaktsütsü asoshi ‘shampoo’ balala aser tanga mozü kecha amshiba masü, saka asenok anogoshia chia ajemba nung ‘nutrients’ balala aika densema achitsüla.
Chiyongtsü 5 koba ajanga kou tashi itta aser tobur junga kümdaktsüba dang masü, temang shirang balala nungi kümzüka toktsür, itemji chiyongtsütem yamai alitsü:
Süngo lemba: Süngo tou spinach, chard aser kale nunger koba nung iron, calcium, vitamin A aser vitamin C keta ali, item süngo tou nung kou tashi itta aser peranga akümtsü asoshi nutrient tem peria lir. ‘Spinach’ nung talisa ‘sebum’ keta lir, koba kou atema natural ‘conditioner’ tajung lir.
Nuts: Nuts balala; almonds, pecans, aser akojang amala nung plant proteins, biotin, minerals aser vitamin E peria lir, koba ajanga kou tali tashi itdaktsür. Maneni akojang ya ‘omega-3 fatty acids’ aketba chiyongtsü ka lir.
Ango: Salmon sardines aser mackerel amala ango ya ‘omega-3 fatty acids’ aketba chiyongtsü tajungtem lir, item chiyongtsü ajanga kou ainba nung teyari peria agütsür.
Yogurt: Iba chiyongtsü ya protein, vitamins B aser D nung takar lir aser iba ajanga kou ainba nung yarir. Maneni yogurt achiba ajanga tekolak nung tip samadaktsür aser kou tsüktsü nungi kümzüker. Iba ya ‘conditioner’ tajung lir.
Entsü: Entsü ya kou atema chiyongtsü tajungtiba rongnung ka lir, kechiyong iba nung vitamin B koba dang ‘biotin’ ta ajar, iba ya peria lir. Iba ajanga kou ainba nung aser temezüng nung tashi agütsür. Entsü nung maneni vitamins A, E, iron aser calcium dena lir.
(Source : Internet)