Laishiba azüngdang metetjema alitsü nüngdak kar lemsateper:

– L. Ngangshi Jamir, Mokokchung Village.

Asenok Ao Laishiba tongtipangsa Edition tejenba nung tekong karbo teraa aibelenasa meyipa lir. Tekong kar tuteta sayur.
1. Mtt 10: 38 ‘Aser shibai pei kangki apur ku sülen manidaker pa Ni atema tetemsü masü’.
Tasenba nung: ‘ Shibai pei kangki mapui kü sülen anitaker, pa Ni atema tetemsü masü’
English nunga: ‘And he that taketh not his cross and followed after me is not worthy of me’
2. Tita 3:5 ‘ Idangji asenok sasa inyakba temeshi mapa agi masü, saka pa pei imlibilem amato tanaben asotsü tzüsenba aser tanela temeshi-i tasen kümtsüba agi pai asenok kümzük’.
Tasenba (2014) Edition nung : ‘ Idangji asenok sasa inyakba temeshi mapa agi masü, saka pa pei imlibilem amato tanaben asoba agi shidokja Tanela temeshi-i tasen kümtsüba agi pai asenok kümzük’.
English nunga : ‘ Not by works of righteousness which we have done, but according to His mercy He saved us, by the washing of regeneration and renewing of the Holy Ghost’.
Asenok tanaben asotsü asoshi tzüsener masü saka Yisu Khrista agizüka tanaben sor kulenang iba temaitsü tzüsener asü nung 2014 Edition-jiang amshitsüla.
3. A.Shin 25:17 nunga
Edition tejenba: ‘ Ne kiyonger ki jagi ne tetsüng züngteta dang odakjang, mesüra nai pa laktettsü aser pa sempatsü’.
Tasenba nung: ‘ Ne kiyonger ki jagi ne tsüng zungteta dang odakjang, mesüra pai na laktettsu aser na sempatsü.
English nung: “Withdraw thy foot from thy neighbor’s house lest he be weary of thee, and so hate thee’.
4. A.Shin 27:6 ‘ Tembari yirutsubaji temulong alemtsü; saka tsukchir tebang mesepbaji jenti.
Tasenba nung: ‘Tembari yirutsubaji temulong alemtsü; saka tsükchir tebang mesepbaji tashioktsüba’.
English nunga: ‘Faithful are the wounds of a friend; but the kisses of an enemy are deceitful’.
5. A.Shin 5:10 ‘Mesurabang aenertemi ne tashi agi asungtsü, aser nai züsentetba bendanger ka kidangi aotsü
Tasenba nung: ‘Mesurabang ainertemi ne rongsen agitsü, aser nai züsentetba bendanger ka kidangi aotsü
6. Yer. 6:15 ‘ Tesuneptsu mapatem inyakdang parnok akseta liasü asü ?
Tasenba nung: ‘ Tesembatsü mapatem inyakdang parnok akseta liasü asü ?
English nung: ‘Were they ashamed when they had committed abomination?
7. 1 Kor.6:18 ‘Nuktapangta nungi jenang. Nisungi mebenshiba temenen ajak pei temang tezülen lir.
Iba tekong yabo tasenba nungang aibelena lir
Tejenba nung : ‘ Nuktapangta nungi jenang, nisungi benshiba temenen ajak pei temang tezulen lir, saka shibaisa nuktapangta benshidir pai pei temang anema temenen benshir.
Yamaji tesem aisü nung temelenshi nüngdaka lir asünung Lai azüngdang Edition tejenba o tasenba na medemdanga azüngtsu nüngdaker ta kü tangatetba lemsateper.