Leonardo DiCaprio-i Stan Lee ama shilem aginür

Los Angeles, September 13 (Agencies): Marvel Comics icon Stan Lee-i ashiba agi, actor Leonardo DiCaprio pa taküm ajanga kanga süngmangdaktsür aser film nung pa ama shilem aginür.
Taküm shilem HasCon sentong taoba hopta agiba mapang nung Lee-i ashiba agi, DiCaprio ya Marvel fan lir aser pai kü taküm otsü film yangluba nung kü shilemji anginür.
Lee aser DiCaprio na ya kidanger lir aser iba ajanga comics yanglusang yagi Leo’er ki semdanga liasü.
“Par ki nung wall tem Marvel posters tululu agi mapanga lir. Pa kanga dang taste tajung,” ta Lee-i ashi.
“Pa ozü kidanger lir aser ita ishika tejakdang küna sensaksemba mapang nung pai ashiba agi, film nung nü shilem agitsü asoshi kanga jangratemtsüka asütsü. Anungji ni yamai pa dang ashi, ‘ni na audition asütsü, nia iba shilem agitettsü ta jangjaa metettsüla,” ta paisa ashi.
Ajisüaka tang tashi nung Stan Lee indang taküm otsü nung ajemdaker film yanglutsüba kecha sangdonga mali.