“Luma Jenshir otsü ya asen lima atema asü.”

– R. Supong, Mkg.

Asen Aor tar nunger otsü nung asen Ao kin nungi jakzüka oa LUMA mesemteta alidang Tsüngremer temoatsü ma nung kanga dang azükarua lia aru. Iba temoatsü nung takataiter jenti atoka parnok peria ka-a itta alinungji par shisatsüi longsolongpen, benjongbentsü, kikasüchir jenti adoka ka khen ka khen ta benjongtepa arudang, tsüngküm mongpu suitemba memeteti  akhi alu nung metsüjangnutsü kecha meyoki küm nungi küm süitem memeteti lia arua rizünga akaba ajak chia-jemadoker benjongbentsü ajak temer külen alui metsü yoktsü aodang, metsü mapang süia joko mei (summer) arua süngo lanu meyia adokba angudang aoksatepa, pei temoatsü yimkongji yutsür jenshitsüsa aküm nung ken ka yamai tener, par yimji toktsür tanga yim balalai prokshia ao.

Iba kenji yamai, iba ken dangji “Luma Jenshir” ken ta ajar.

“Oh- yimpatir, Tsüngküm mongpu takzürata, Lata teragi terok-a ta atettep-a lir, Nüjemer lu-na oangjo kijok mejar kelarji ngur sü. Ajayipna iangjo jangpang-i paki laroor. Tsüngküm mongpu takzütsü tembangko lozüng mele-a ma.”

Yamaji asen Nagaland state kümteter political party balala tenteta melentepa yimsüsüa aruogo aser yamaji arudagi. Asenoki meteta 2003 Nagaland Assembly general election agiba nungi tenzüka NPF party tekolak sür aruba DAN teloki takok tulu nguteta tanü tashi yimsüsüa arudagi. Par mapang pari yimsüsüa arudang asen lima adokba aser inyaktetba kecha maka sürnung central government dak nungi tangutsü tim sen aser terenlok mapa inyaktsü atemzüka sentong balala atema sanction meshizüka bener arua mapabo kecha meinyaksür nung iba sen agi longsolongben, benjungbentsüa yapoyanüa kazüba to asenoki khen junga bilemdangra, iba tajangzük to kechi angu, asenok ajaki meteta aser ngua arudagi.

Par (DAN) mapang tenzükba benjung tongtibang kar; Hornbill, Road show, Expo tapu balala, iba denji külemi District headquarter ajak nung ki tajung kaka yangerteta iba dangji Division Office ta tenüng jatsür tanü tashi party pur ta asüba ajak yangji yapoyanüa longsotepba mongtepba arudaki. Item ama benjungbentsüa longsotepba kazüba ajanga kechi tajungzük angu asenok ajaki meteta aser ngua arudaki. Centre nungi anguba sen ajak agi terenlok mapa kata meinyak sür longsotepba nung sen ajak indoka kazütepba kuli tanü asen jakdang jungkai adoka asenoki angur. Mezüngbo tesem ka nung tesem kati adongdang lemang nung gondha 2 mesüra 3 agia jajaba lemang nungto dang gondha mesüra7 agia jajar-a matonger. Aser Expo balala nung aluyimer temi angazüka inyaktetba ali rongsen jenti tsüneteta yur tayokdak maka nüburtem ayatai nung liteptagi. Ya angudang benjongbentsüa kazüba tajangzük to ya asüno ta kanga temulung shiranga belimer. Aou külen reprangdangra par govt. sentong kübok district headquarter ajak nung Division office ta sür ki tajung kaka süteta akaba ya koda asütsü. Ashiko par ochishir govt. sentong kübok nüburtem ajak anisüngzükdakja nüburtemi aginüba ama longsotepa anir arunungji, par govt. den Tsüngrem-a dena alitsü-a shibai metet. Kechiba süra mezüng cabinet minister kati NPF govt. ji Yisu alima-i marotashi alitsü ta jembizuka kar. Pai aser par govt.-i jembizükba nungji Tsüngrem-i mulungba ka mesüi aji matalokra, parnoki Division office ta sür süzüka aliba ki tajungtemji parnok o parnok na tsüngda raratepdang Naga nunger tsüngda azü tokshiba mapang ang ka bentsür arutisüng ta rata-a bilemtsür, kechiba süra dang Naga lima tensa reprangdangra NPF koba-a memetet anogo aben karang shidakba karang temetenba ta langzütepa angur. Kar-i Rioba aser Ziliangba na office shibangangta, kar-i Dr. Shürhozelie NPF office shibangangta scü o natsü na mebendang ama nüburtem mamgmangdaktsüa asteper. Terenlok mapa inyaktsübo yutsür Naga nunger rongsen ajak amai tsümar, Kerala nunger kati par lima-i bener oa rongsen ma nung aliba ngua par state nungi item rongsen ya kong nungi ta bushiteba Naga lima tonga arunung yangji aoksar Rioba o Zeliangba nati anir par Assam lima Kaziranga nung aser Dr. Shürhozelie-i anir district ajak nungi party purtem adenshitaktsür Kohima yimtiba nung tanur kitchen asayar amai longsotepa kazüteper. Ya koleni tepteta tugotsüba sayatenyar, Naga nunger yamai mamgmangtaktsüa anishidaktsür. Ano külen par govt-i lateta aser ozüng yanglua ayuba ajak raksar oji mashi maparen nung Naga nunger temeten ajak samatsür tsümar dang 239 tashi Naga lima kümzüktsüpur rongnung shimoka yur alitsüba ya taremzüktsüna . Iba ken o dak sendakba nung asen Ao senso tasü tait par 3-i Ao Senden dangi kechi mepeshia 24th Aug. Tir Yimyim adok page 11 nung züluogo iba nungi nia pusemer aser imlar kobi melii Ao Senden nungi telangzüba tajung angütsu imla-a atar.

HOI!!!Naga lanur asensor tajungtem shia aruba ama (LUMA JENSHIR) tia amakati maidang asen taso lima melenshidi arung. Ochi mashiba mapa agi sünger pei agitsü dang bilema pei ajung dang asa-a pei nüburtembo timtema alar tia dang nungi tamajungba jenjang kanung senzüka yutsür asen lima yanglutsübo pungmang nung-a mopongmang mezüng yanglua akaba ajak raksatsüa aruba govt. den yabo pilati arung ni ta ayongzüker. Anungji lanur asensortemi anir clean election dak rangloker ochishir yimsüser shimdi.