Manics Street Preachers indang kensep tasen 2018 April nung sayatsü

November 18, 2017: Rock kentener telok, Manic Street Preachers indang 13buba kensep tasen ‘Resistance Is Futile’ 2018 küm April ita nung sayatsü aser 2018 küm UK sema kenten sentong akatsü, ta sangdong.
November 17, 2017 nü par teloki 13buba studio kensepji sangküm April 6 nü Columbia/Sony ajanga sayatsü aser ibaji Manics’ website ajanga jilia mangatsü akok, ta sangdong ka ajanga metetdaktsü.
Parnok indang tesabuba kensep küm pezü tejaklen sayaa liasü.
Tang kensep tasenbaji Newport anasa parnok indang studio Door To The River nung record süogo.
Iba dak alia Manics teloki küm aika sülen United Kingdom nung aliba yimti balala sema kenten sentong nung shilem agitsü. Iba kenten sentongji sangküm April 23 nü Newcastle nungi tenzüktsü aser item kenten sentong atema November 25, 2017 nungi ticket ayok tenzüktsü.
UK tour anogotem aser yimtitemji yamai alitsü: April 23 nü Newcastle, Metro Radio Arena, April 25 nü Glasgow, The SSE Hydro Arena, April 27 nü Birmingham, Genting Arena, April 28 – Manchester, Arena, May 1 nü Llandudno, Venue Cymru Arena, May 2 nü Leeds, First Direct Arena, May 4 nü London, The SSE Arena Wembley aser May 5 nü Cardiff, Motorpoint Arena nung ayongzüka akatsü.