Manipur nunger World Cup asayartem pelashishia agizük

Imphal, October 14 (Agencies): Under 17-FIFA World Cup nung shilem agir Manipur nunger asayar parnok tenet tanü kanga pelashishia agizükogo.
Football fan tem aser veteran footballer tem aika airport kima sentepa asayartem ola adoka tenüngsang agüja agizükogo. Parnok ajak nem naro zük kaka azüktsü aser parnoki shilem tajung agiba atema teka maa agizük.
India nunger national team Captain Amarjit Kiyam-i parnok nungita yarir aser tajungshirtem ajak dang pelaba lemsatepa liasü.
Pai maneni state nung local asayartem world class ground nung yimya sübaa asayadaktsütsü asoshi world class stadium tem state nung yanglutsü atema mepishi.
Midfielder Jeakson Thounaojam shibai India nunger rongnungi FIFA world Cup nung mezüngbuba goal idakja otsü tasen ka yangluogo, pa lokti ajaki tali sapua agizük. Ajisüaka goal keeper Dheeraj Moirangthem shiba ajaki balaka tenük yoka reprang aser United States coach-i dena tenüng asang, pabo Delhi nung dang anenzük.