Manipur Rifles 3 asü

Imphal, November 16 (Agencies): Manipur kübok Khongsang anasa Tamenglong-Khongsang lenmang nung Manipur Rifles sepai asem tashi gari lendong ka nung taküm sama.
Par asemji Chief Minister N Biren Singh indang security convoy indang escort vehicle nung mena liasü.
Manipur Chief Minister ji Bodbarnü Tamenglong district headquarters nung mozü ki ka lapoktsütsü atema orr meyipa arudang lendongji atalok.
Bodbar nikongdang 5:00 ako meta escort vehicle ji Tamenglong jila nungi Imphal-i meyipa aodang lungren ka nung tsüok.
Tasürtemji Havildar Somorjit, Riflemen Dominic aser Kh Bungo nungertem liasü, ta police ketdangser kati ashi.