Mapaji tongtibang saka kibong tongtibangba:Kareena Kapoor

New Delhi, September 20 (Agencies) : Mezüng film nung shilem agidang “Chameli” film nung shilem agia tenzükla,chat sentong tem nung shilem agia aser aser la mashisa aliba mapang, tatembangba ita asem nung dena mapa inyakla — Kareena Kapoor Khan-i teti lai bilemba mesüra lai yatetba lenmang nung aoer. Tangbo pa tetsü ka akümba sülen lai, mapaji tongtibang saka kibonga kangasa tongtibang, ta ashi.
Lar jabaso Taimur Ali Khan-i taküm mezüngbuba Diwali angutsü. La dang “Veere Di Wedding” film-a tetangokdak anungji nai aruyaa aliba benjong koma ser mepaitoki amungtsü ta osangbenertemi email ajanga asüngdangdang, Kareena-i, “Delhi nung tang teinyakdak mapaji Diwali atongtsü anogo ishika lia tembangtsü, anungji ni iba sülenjibo ozü kibong den mapang indoktettsü. Mapaji kanga tongtibang saka ni asoshibo kibongjisa tongtibangtiba lir,” ta langzü.
Taimur ya Kareena aser la kinungbo, actor Saif Ali Khan na jabaso lir, shiba yaküm December ita nung aso.
Lakme brand ambassador, Saif-i Taimur ji tanur ajak dang tajungba amai bilemer aser pai par kibong den kechisarenai oner.
“Pai kinungertem den pelatepa mungnütsü. Sempettem alitsütsü melabo pa nem süoshi ang sobaliba dak sentakba süoshi peria alitsütsü,” ta Kareena-i ashi.
“Ozü kinungertemji chiyungtsü kanga sapua achirtem lir. Anungji ni ajak jangratema achir, saka ni exercise agitsü mapang meraksar. Ni tzü aika ajemer aser chiyungtsütemji mapang apia achir,” ta Kareena-i shisem.
Kareena-i shilem agiba film aika nung kanga dang takok ngua lir aser item film tem rongnung “Jab We Met”, “Kabhi Khushi Kabhie Gham”, “Talaash: The Hunt Begins…”, “Yuva”, “Omkara” aser “Udta Punjab” film tem-a dena lir. La ya Bollywood nung tobur tajungtila rongnung ka ama züngshir.
Taküm benjong mapang make-up indang jembiba mapang lai, “Benjong mapang anasa arur aser iba mapang ya mopung ano tatsük süaka takong alir. Anungji teküp renema alitsüla aser ibaji atema nüngdakba moisturisation aser nourishment agitsüla,” ta ashi.