Maruti Suzuki-i gari tasenba tenüng Baleno jatsüogo

New Delhi, August 7 (Agencies): Japan nung aliba Suzuki Motor Corp-i parnok meyong premium hatchback gari tenüng Baleno jatsüogo aser iba gari ya taruba ita Frankfurt Motor Show mapang sayatsü.

Iba company indang kongsang, Maruti Suzuki India (MSI)-i linük nung iba gari tasenba ya taküm benjung mapang sayatsü sentong lir.

“Gari tasenba, Baleno ya Suzuki meyong gari tila rongnung ka lir aser iba gari telung kanga tesadem den technology tasen keta lir. Baleno ya 66buba IAA Frankfurt Motor Show nung sayatsü,” ta Suzuki Motor Corp-i sangdong ka ajanga metetdaktsüogo.

Baleno ya sedan Baleno den nüngjem süaka iba gari ana ya khen yongi balala, ta company ajanga metetdaktsüogo.

MSI-i 2020 tashi nung gari million ana ayoktsü nükjidong yur inyaker aser tan hopta parnoki S-Cross gari saya-a iba mapatong tenzükogo.