MCCI-i firecrackers nokdanger

Dimapur, December 4 (TYO): Mokokchung Chamber of Commerce & Industry (MCCI) nung züngsemtemi firecrackers bener marutsü mesüra mayoktsü indang tenokdangba agütsüogo aser iba tetuyuba sülen manidakertem ozüng tapet agi merenshitsü ta MCCI-i metetdaktsü.
Maneni, MCCI-isa taoba mapang yimjak nung sangoktsüba ama shishilembartem dang calendar aser ticket mayoktsü nenshia metetdaktsür ta MCCI-i sangdong ka nung ashi.
Mokokchung jila nung gari kiburtem aser anishirtemi traffic telatetba sülen anidaktsü aser tashi angatsü mepishia metetdaktsür ta MCCI-isa metetdaktsü.
Dokan kiburtemia pei dokan jakdang lijaliyonger garitem anentsü atema tawa agüja pei garitem anena mayutsü atema mepishir aser traffic timtem madokdaktsütsü atema lijaliyongertemi akokba tashi tetsüng agi senzütsü mepishir ta MCCI-isa ashi.