Mokokchung nung 4 buba Futsal asayadagi

Mokokchung, August 18 (TYO) : Wolverine Club Mokokchung-i ayongzüka 4 buba Futsal Tournament 2015 tanü Multipurpose Sports Complex nung Mokokchung SP, Wb. Aotemsu NPS tongti tesemdanger süa iba asayamung lapoktsüogo.
Futsal tournament ya football asaya ka dang idagi nisung pungogo asayar aser moapua tila ka dang nüngdaker. Iba asaya tabu ya Mokokchung jila nung alirtemi kanga sapur aser kanga takok ngua asayadagi.
Tanü iba mezüng asaya nung Vulcan FC aser taoba nung takok angur telok Mighty Ducks den asaya. Iba asayamung ya August 20 nü tempangtsü.
Iba asaya nung telok ter anati shilem agidagi aser takok marok angurtem sen Rs. Rs 30,000 senpet den kuli kaket angutsü.
Tanü iba sentong lapokba sentong nung mendenji Ms. Bendangienla-i liasü, Ms. R. Asenla Y/Evangelist Artang Baptist Church-i temoatsü meshia sarasadem, tayongzükba o Wolverine club Tir, Mr. Imkongmeren-i jembi, Mr. Moasunep-i ken ka aten aser Mokokchung Superintendent of Police Aotemsu NPS-i tongti o jembia liasü.

Tanü asaya osang yamai alitsü :.
1st Match – Mighty Ducks =6 Vs Vulcan FC = 2
2nd Match – Shooting starz Fc =10 vs Nathan Memorial Hostel F.A.C =1
3rd Match – Mongolian United Fc=2 Vs Knights=3
4th Match – Intermingle Club (Veteran) =2 vs Fraternal FC= 15
5th Match – Mighty Ducks =13 vs Titans FC= 1
6th Match – Shooting starz Fc =7 Vs Loyal stars SC =4
7th Match – Sporting club Koralong= 9 vs Mongolian United FC =2