Mongsenbai Youngsters-i, Grand Elites koka semi-finals-i iogo

MDFA trophy 2017 nung Mongsenbai Youngsters  aser Grand Elites team nungi asayartem 2buba Quarter Final asaya dang tangokba noksa nung angur. 

Mokokchung, October 14 (TYO): Tang tasayadak MDFA Trophy 2017 nung Mongsenbai Youngsters teloki Grand Elites madak 6-0 agi takok ngua parnok semi-finals-i iogo. Asaya tenzüker minute ana buba nungi tenzüka Mongsenbai Youngsters temi goal agütsü tenzük. Asaya nung mezüngbuba goal Sentilemzung-i idaktsü aser iba sülen Kilangnukshi-i minute 13buba nung aser Punuru Nienu-i minute 19buba nung ta tanabuba aser tasenbuba goal idaktsü.
Asaya tanabuba shilem tenzüker minute asembuba nung Punuru-i goal pezübuba idaktsü. Youngsters pur atema Grand Elite pur defence kanga tashi mait asü aser iba maongka agia parnoki goal 5buba minute 55buba nung idaktsü. Asaya nung Grand Elite telok nungi asayar Nungsangmeren-i goal idaktsütsü asoshi maongka tajungka nguteta liasü saka pai ball mesoitteti ball ya net adena oadak.
Punuru-i minute 69buba nung maneni goal ka idakja hat-trick agütsütetogo aser iba ajanga pa iba asayamung nung goal timtiba agütsür rongnung ka kümogo, aser iba jenjang nung sempet agizüktsü asoshi timla lir.
October 16nü asaya yamai alitsü:
3rd Quarter Final Match (1:30pm)
Telongjem FC Vs
Rongpang Reju Arkong