Nagaland Angh 4 buba Fashion Show, Colours of NE nung adentsü

Kohima, August 19 (TYO): Nagaland Angh, P B Acharya Kohima nung 4buba Annual Fashion Show ‘Colours of North East’ nung adentsü, iba sentong ya Department of Fashion Technology den Global Open University, Nagaland-i ayongzüka lir.

Iba show nung tetendangertemji Theja Meru, Kerehienuo Sorhie aser Regina Chakrunuo nunger asütsü aser choreographer ji Thejasilie Sekhose asütsü.

Sentong coordinator aser Department of Fashion Technology, TGOU faculty züngsem, Sentitola Ao-i ashiba agi, entertainment dak alia iba fashion show ya University nung BBA (Fashion Design) programme shilem ka lir. Iba sentong nung BBA (Fashion Design) kaketshir troki shilem agitsü.

Parnok rongnung par pezübo Fashion designing course nung final year lir.

‘Colors of North East’ ajanga aianu state ti (Northeast state tem) indang sobaliba longjemer sayatsü aser iba sentong nung kaketshir pezüi sub themes sayatsü. Parnok rongnung Sashibenla-i Surreal Meadows, Kudulu Sapuh-i Masquerade, Rulhouvonuo Angami-i Dark Classic aser Neishe-u Puro-i Tears of Warriors sayatsü.

Ano second year kaketshir ana- Dosoulau Vemai aser Therali Ovung nati ‘Ancestral Warriors’ indang parnok design sayatsü, ta Sentitola-isa metetdaktsü.

3 buba Fashion Show takoker, Thezasilie Sekhose-i iba sentong choreograph asütsü aser sentong ketdangser (host) ji Ruth K Chang asütsü.