Nagaland Angh-i Anglers Association Nagaland nem tenüngsang agütsür

Dimapur, July 15 (TYO) : 5 buba North East Angling Competition nung Anglers Association Nagaland-i sempet pezü tashi anguba atema Nagaland Angh, P.B. Acharya-i tenüngsang agütsüogo.
National Fish Farmers Day nüngtem nung July 12, 2015 nü Nagaon, Assam nung iba tetoktep agi.
Anglers Association Nagaland ajanga sempet anguba atema tenüngsang agütsür aser iba ya Nagaland state atema konang nüngsang lir. Sorkari maneni ango metsüba maparen nung teyari agütsütsü imlar, ta Raj Bhavan sangdong ka ajanga metetdaktsü.