Nagaland state Assembly Election Tsüklai (Feb) 27 nü agitsü

New Delhi, Aenjeti 18 (Agencies): Yangtepnü Chief Election Commissioner (CEC), A K Joti-i sangdong ka ajanga, Tripura nung Assembly election Tsüklai (February) 18 nü agitsü aser Meghalaya o Nagaland na nung assembly election Tsüklai 27 nü agitsü, ta sangdongogo.
Tanü New Delhi nung osangbenertem senden ka nung jembidang Joti-i, “Tanü nungi state asemprong nung ‘model code of conduct’ benoker. Meghalaya, Nagaland aser Tripura shia nung assembly menden 60 lir. State asemprong nung EVM den VVPAT amshitsü; mezüngbuba ‘level checks’ renemogo,” ta metetdaktsü.
CEC-isa, “Item election agibaji CCTV camera ajanga tangoktsü, aser election matongdangyongi state asemprong, talisa tesem tamajungtem nung security peria lemzüktsütsü,” ta metetdaktsü.
Tripura election atema tenüng agütsütsü tatembangbuba anogoji Aenjeti 31 asütsü, iba sülen Tsüklai 1 nü ibaji reprangshitsü aser candidate tenüng agientsü atema tatembangbuba anogoji Tsüklai 3 nü asütsü. Ano Meghalaya election atema tenüng agütsütsü tatembangbuba anogoji Tsüklai 7 nü asütsü, iba sülen Tsüklai 8 nü ibaji reprangshitsü aser candidate tenüng agientsü atema tatembangbuba anogoji Tsüklai 12 nü asütsü.
Nagaland election atema tenüng agütsütsü asoshi tatembangbuba anogoji Tsüklai 7 nü asütsü, Tsüklai 8 nü itemji reprangshitsü aser candidate tenüng agientsü atema tatembangbuba anogoji Tsüklai 12 nü asütsü.
Election agiba sülen state asemprong nung Metsüremi (March) 3 nü vote azüngtsü.
Meghalaya Legislative assembly kümsük Metsüremi (March) 6 nü tembangtsü, Nagaland assembly kümsük Metsüremi 13 nü tembangtsü aser Tripura assembly kümsük Metsüremi 14 nü tembangtsü.

Poll Events Nagaland (60 seats)
Gazette Notification 31.01.2018
Last Date of Nominations 07.02.2018
Date for Scrutiny of Nominations 08.02.2018
Last Date for Withdrawal 12.02.2018
Date of Polling 27.02.2018
Date of Counting 03.03.2018
Election to be completed 05.03.2018
No. of Polling stations in 2018 2187
No. of Electors as per draft Rolls 11,63,388
No. of Electors as per Final Rolls 11,89,264