NCS Probationers 2015 Batch tatembangbuba sentong agi

Kohima, November 17 (TYO): NCS Probationers 2015 batch valedictory sentong November 17, 2017 nü Administrative Training Institute, Nagaland nung agia liasü.
Iba sentong lenir aser Additional Director (Training), L. Youdang Jamir-i NCS officers aser staff tem pela agizükba den külemi, NCS probationers küm ka tashi training agia arur tembangba ya takok anguba temaitsü ka lir, aser Institute atema nümadangtsü ka lir, ta ashi.
Sentong nungsa NCS Programs Course Coordinator, Dr. Hovithal Sothu-i NCS küm ka training program agia aruba osang tatsü agi metetdaktsü. Paisa, In-house classes ita 4 agiba sülen ita pezü District attachment indang metetdaktsü.
Paisa outside Trainings- village visits, Land Records & Survey attachment Program, Police attachment aser Army attachment sülen All India Tour ‘Bharat Darshan’ agia tembangba indang metetdaktsü.
Item training agiba sülen parnoki September 20-27 anogotem nung Nagaland Civil Service Probationers Final tatidang agüja küm ka piyong sentong tembang.
Ketdangsertem ajaki jembiba sülen Yithachu Thur aser Tshelhiu nati ken ka aten.
Sentong nungsa ATI Director, R. Asenla Keitzar, IAS-ia administrator ka ama lai ajangshia arubatem nungi tayongzükba o jembia liasü.
Iba sülen NCS Probationers Course Director, Kevekha Kevin Zehol-i anküp o jembia sentong tembang.