NE Connectivity Summit atema senden amen

Kohima, September 21 (TYO): Kohima nung anogo ananü North-East Connectivity Summit, ‘Connect North East-2017’ senden dak sendakba nung tanü state Chief Minister, TR Zeliang-i Consul General of the Russian Federation, FICCI aser NEC nungi tongti ketdangsertem den senden aika menogo, tanü CMO Media Cell sangdong ka ajanga metetdaktsü.
Item senden nung tourism, healthcare, hotels, border trade, agri-allied, skill development aser nübur tsüngda connectivity nung investment maongba balala nung rangloker jembi.
Tanü nikongdang Consul General of the Russian Federation, Alexey Idamkin-i Chief Minsiter ajurua Nagaland nung sen indoka inyaktsü atema takoktsü maongka balala reprangdangtsü, ta metetdaktsü.
Paisa state semdangba atema kanga pelar aser Nagaland ya tebor kanga junger, ta ashi.
FICCI-NEAC Chairman, Ranjit Barthakur-ia Chief Minister dang NE state tem dak alia linük teneti iba summit nung shilem agitsü aser iba mapang nung shishilembaba aser investment nung amalitepa inyaktsü atema rangloker jembitsü, ta metetdaktsü.
Ranjit-isa Nagaland nung sustainable projects, food processing plants, dairy products aser mechanized farming amenoktsü atema ajungshia liasü.
Ano chief minister-ia summit nung adentsüpurtem dang Nagaland nung sen indoka inyaktsü maongka aika aliba indang metetdaktsüba den külemi state nung sen indoka inyakertem den sorkari akokba tashi amalitepa inyaktsü aser yariteptsü, ta metetdaktsü.
Iba Summit ya September 22-23 anogotem nung akatsü, aser iba sentong nung Chief minister-ia energy resources, international connectivity initiatives, tourism, air, railwar aser road connectivity, investment maongka balala, shishilembaba mapatongtem aser arrtsülen infrastructures onüktem nung rangloker jembitsü.