NIA-i Nagaland CMO ketdangser 3 dang asüngdangyatsü

Kohima, Tsüklai 13 (TYO): National Investigation Agency (NIA)-i Chief Minister’s Office (CMO) Nagaland nungi ketdangser asem dang asüngdangya asütsü atema jaokogo.
Tsüklai 15 nü OSD to CM Ruokuovizo Chupuo aser Media Officer ana – Karaiba Chawang o Kueirang nungertem NIA Deputy Superintendent of Police & Chief Investigating Officer, Jasveer Singh tsüngdangi arutsü atema tetuyuba agütsü, ta NIA osang ka ajanga ashi.
Nagaland nung tashiyim agi sen saruba dak sendakba NIA ken o tem nung par asem dak tai tonglokja lir ta osang angazüker.
NIA-i Luroi 2016 nungi Nagaland nung tashiyim agi sen saruba ken o tem bushisüngdanga arur aser iba mapang parnoki taitsü aketba kulikaket aika nguteta lir. Kulikakettem rongnung CMO ketdangser asemia shilem agiba puteta lir, ta NIA osang ka ajanga ashi.
Tang tashi nung iba onük dak sendakba nung sorkar ketdangser tenet anema ken o benoka lir ta NIA osang ajangasa shisem.