Nisung tepsetba anema rally ayonga agi

Dimapur, September 21 (TYO): Zunheboto district nung Satovi’er jabaso, Samuel-i Khekiye yim nungi tanur asem tetsü arishi küm 23, Avi tashiyim amshia raksatsür tepsetba anema September 20, 2017 nü Sumi Totimi Hoho, Zunheboto leniba kübok Traffic point, Zunheboto nung lokti senden ka ayonga agiogo, ta tanü ketdangsertem osang ka ajanga metetdaktsü.
Iba sentong nung sobaliba sobutsü semer tanur-tain, tetsür/tebur, school balala nungi tanurtem, sector ajak nungi GB tem, Sumi Hoho, Sumi Kukami Hoho, Sumi Totimi Hoho, SKK, ZTYO, ZRSU, Hoshepu areas nungi lenirtem aser kinüngertem, ta nisung meyirjang aika adenshia liasü, aser iba sentong nung Hoho balala nungi lenirtemi jembia liasü.
Iba sülen Sumi Hoho, Sumi Kukami Hoho, Sumi Kiphimi Kuqhakulu aser Sumi Totimi Hoho ama tongtibang Sumi tentettemi Zunheboto Deputy Commissioner nem tezüluba nung temepishiba ka agütsü, ta kasa osang ajanga metetdaktsü.