NPF MLA temi Speaker ashishir

Dimapur, November 17 (TYO): Tanü NLA Speaker-i Legislators’ Forum on Naga Political Issue indang Parliamentary Working Committee senden ka amentsü jazükba nung Naga People’s Front nungi yimsüsür shinga maden.
Iba Forum nung Chairman ji Speaker lir aser pai Linük Temzüng aser Assembly Rules kübok manidak nung, pai ayongba senden nung madentsü telemtetba agi, ta NPF MLA temi metetdaktsü.
“Ochi aser ozüng atema menokdaktetba nisung kati, Naga yimten tebilemtsü ama tongtipang ken o atema mapa tajung inyaktsü teimla kecha mali” ta Nagaland Legislative Assembly nung Speaker dangi züluba shidi ka nung NPF MLA temi shia lir.
Ajisüaka, Naga yimten tebilemtsü asoshi nisung ajaki agizüktettsüsa telemtetba ka agira, onoki menden toktsütsü renema dang lir, ta Dr. Shürhozelie Liezietsü, Yitachu, Y. Vikheho Swu, Kuzholuzo Nienu, Dr. Chotisuh Sazo, P. Longon, Thongwang, C.L. John, R. Tohanba aser Torechu nungertemi sign asüba tezüluba nungsa shia lir.