O tashi

“O Kibuba, kü lung aser kü kümzükba. Kü tebang nungi adokba o aser kü mulungjang nung bilemdangba nai agizükteta kümdangangma.” (T.Ken 19: 14)
O ya ola ka asen terok nungi adokbaya dang masü, saka kanga danga tashi aketba o ya lir. Tsüngremi alima dang mezüng jembibaji Pa o tashi nungi lir. “Alimatem Tsüngremi o agi yanglu ta tamang agi asenoki angateter; anungji kechi angur aji jungkai adokba osettem nungi meyanglu” (Ibri 11 :3)
Tsüngremi yangluba rongnung meimchir nem dang jembiba agi angatettsü o tashi agütsü. Iba ya Tsüngrem nungi sempet tajungtiba ka lir. Saka o ya shitak süa tim nung mamshira o agi tejashi aser teraksa adokdaktsür, o nung ana tajung yanglutsü tashi-a lir. Apijemtsü Shin 12:6 nung zülua aliba am a,
“Tamajunger otemji azü tokshitsü mitba, saka tindanger tebangi parnok kümzüktsü.”
Alima otsü nung kanga dang shisa ka-a aser kümdanga o jembibaji Yisu Khrista asen kümzüksang lir. Pa o agi meimchir mulung sünepdaktsür, len aia aodang anir aser tajungshi angur. Meimchir temulungjang temenen nungi meyipdaktsür. Pai ana temeim aser tatok agütsüba o tem jembi. Anungji asenokia o tajungjembitsü merangdi, koba agi asen teyanglur Tsüngrem peladaktsür aser asenoka temoatsüba asütsü.
Sarasadem : Nai mulungba ama o tajung jembitettsü tashi kuama. Amen