Ochimashi anema bushisüngdangtsü : Zuma

Johannesburg, Aenjeti 10 (Agencies) : Linük nung ochimashiba anema tematiba jenjang nung bushisüngdangtsü, ta South Africa Tir, Jacob Zuma-i sangdongogo. Ochimashirtem menden nungi atsüngdoktsü atema tan hopta nungi asadanga inyaktsü, ta parliament nung renemba sülen pai iba o ya metetdaktsü.
Ochimashi anema ayimdenba ajanga tang Zuma nema tenüng menük bener arutsür aser aji oda, anogo 30 tsüngdangsa ochimashiba kuli bushitsü atema bushisüngdangba luden ka shimang ta, taoba ita nungto pa dang shiogo.
2019 nungji Tir ka ama pa kümsük tembangtsü saka pa kümsükji matongdangsa pa menden tokjang ta nüburtemi kanga rongshidagi.
Parliament-i linük nung Tir melentsü atema inyakyim tenzüktsü asoshi anogo ka jelia tang Zuma-i iba osang ya sangdonger.
Pei jurila ki asütsü atema nübur sen million tema amshiba nung tatartemi Zuma nem tai metongloktsütet ta shia hopta ana shi tejaklento Constitutional Court-i obendang agüja lir.