Oscars agütsütsüpur tenüng sangdongogo

Tsüklai 17, 2018 (Agencies): 90buba Oscar sentong nung sempet agütsütsüpur sangdongba mezüngbuba list nung Mahershala Ali, Chadwick Boseman, Viola Davis, Laura Dern, Jennifer Garner, Greta Gerwig, Tiffany Haddish, Tom Holland, Kumail Nanjiani, Margot Robbie, Emma Stone aser Daniela Vega nunger densema lir.
Producers Michael De Luca aser Jennifer Todd nati iba osang ya Rogonü sangdonga liasü, ta deadline.com sangdong ka ajanga metetdaktsü.
“Oscar stage nung tanaben shilem agirtem aser tang mezüngbuba shilem agitsüpurtem ajaki parnok dak aketba pei jurila sempet bener aruba ajanga nüburtem puar, aser parnoki shilem agiba ajanga iba sentong mamatettsüsa katettsü,” ta De Luca aser Todd nati ashi.
Ali-i Moonlight film nung shilem tajung agiba atema Supporting Role nung Actor tajungtiba Oscar angu. Kasa mapang nung Boseman-i Oscar nung nominate süa aliba film ‘Marshall’ nung shilem agir aser pai tang ‘Black Panther’ film nunga shilem agiogo.
Davis, ‘Fences’ film nung shilem atem Supporting Role nung Actress tajungtiba Oscar nguogo. ‘Wild’ film atema Dern, Supporting Role nung nominate süa liasü aser ‘Rambling Rose film’ atema Actress in a Leading Role jenjang nung nominate süa liasü. La tang Oscar atema nominate asüba, ‘Star Wars: Episode VIII – The Last Jedi’ nung shilem agiba angutsü.
Maneni Garner-i Oscar nung nominate asüba film ‘Dallas Buyers Club’, ‘Juno’ aser ‘Catch Me If You Can’ nunger amala nung shilem agiogo. Gerwig, ‘Lady Bird’ film atema Achievement in Directing and Original Screenplay jenjang nung Oscar a tema nominate süogo.
Haddish-i tawa “Girls Trip” film nung shilem agiogo aser Holland ‘Spider-Man: Homecoming’ film nung shilem agia liasü. Nanjiani, ‘The Big Sick’ film atema Original Screenplay (shared with Emily V. Gordon) jenjang nung Oscar asoshi nominate süogo.
Robbie ya ‘I, Tonya’ film nung shilem atema Actress in a Leading Role jenjang nung nominate süa lir. Stone-i ‘La La Land’ nung shilem tajung agiba atema Actress in a Leading Role jenjang nung Oscar nguogo aser Vega-i Oscar atema nominate asüba film ‘A Fantastic Woman’ nung shilem agia liasü.
90buba Oscar sentong ya Jimmy Kimmel lenisüba kübok Metsüremi 4nü Los Angeles, Dolby Theatre nung akatsü aser India nung Metsüremi 5 nü sayatsü.