PCC, ACAUT & PSAN-i sorkar nem onük 10 takhangba agütsü

Kohima, November 17 (TYO): Public Coordination Committee (PCC)-i ACAUT Nagaland aser Public Services Aspirants of Nagaland (PSAN) na den külemi tanü agi anogo asembuba State Civil Secretariat nung lungkak aitogo.
Tanü PCC-i Chief Minister T R Zeliang nem onük 10 takhangba agütsü aser item rongnung ACAUT-i taoba mapang Lokayukta tentettsü tezüluba agütsüba aser PSAN-i NPSC nung temelenshi kar alitsü akhangba onüktem dena lir.
PCC-i akhangba onük 10:
1. ACAUT-i Nagaland sorkar nem takhangba agütsüba ama tangsatang Lokayukta tentettsü.
2. Class III mapatem (Grade pay of Rs. 2800 aser tema) ajak NPSC nem meyipa agütsütsü.
3. June 6, 2016 sülen backdoor appointments ajak agientsü.
4. October 26, 2017 nü P&AR OM No.AR-3/GEN-174/2007(pt) meyipa agitsü.
5. Departmental Recruitment Board agientsü aser class III posts den Grade pay Rs.2800 dang nung tajemba shimtsü atema State Staff Selection Board ka tentettsü. Ibaji meinyakdang item mapa ajak NPSC nem open recruitment atema agütsütsü aser tatidangji centre sorkari agiba ama interview medeni written dang asütsü.
6. NPSC-i tang nungi tatidang agiba ajak indang result adokba anogo nungsa written aser interview marks sangdongtsü. Iba dak sendakba nung August 3, 1995 (Waiting list) nü P&AR OM No. AR-1/8/88 sangdong agütsüba yanglushitsü.
7. NPSC-i agiba tatidang ajak indang answer keys sangdongtsü.
8. State Civil Service Exam interview indang interview mark 75 nungi 50 ajema akümtsü.
9. UPSC indang inyakyim ama NPSC-ia viva voce examination nung maximum aser minimum telatet ayutsü.
10. NPSC züngsemtem asütsü atema tazünger, tashir aser tashishitsü melii mapa inyaka arurtem shimtsüla aser parnok rongnung teimbaka taoba IAS/IPS/NCS/NPS ketdangsertem asütsüla.