Pence ajurutsü tebilemba mali : North Korea

Pyeongchang, Tsüklai 08 (Agencies) : Pyeongchang Winter Olympics nung adentsü atema US Tadong Tir, Mike Pence South Korea limai aruba mapang pa den ajuruteptsü asoshi kecha tebilemba mali, ta North Korea-i metetdaktsüogo.
North Korea lenir, Kim Jong Un tenu tetsür ka densema Pyongyang-i senior delegation ka shimteter yoker anungji iba mapang America nunger lenir den ajuruteptsü südi ta olulu balala jembia liasü.
Foreign ministry nungi official tazüng kati iba indangji tanü Yangtepnü North Korea sorkari adokba osangkaket ajanga jangjashitsüogo.
“Yimten maparen ajangzüktsü asoshi onoki yamala asayamong talisa Winter Olympics amala ya mamshitsü; yamaji inyaktsü menüngdaker,” ta tulur jagisa metetdaktsü.
Pence-ji tanü Brehostibarnü South Korea limai arutsü sentong renema liasü.