Phek nung Skill India Mission tenzük

Dimapur, July 15 (TYO) : July 15, 2015 nü Phek nunga Department of Employment & Craftsman Training ajanga “Skill India Mission” tenzükba den merükmeju mapa inyakogo.
ITI conference Hall nung sentong agidang SDO (Civil) Phek, Moakumzuk-i tongti tesemdanger ama shilem agi.
July 15, 2015 nü World Youth Skill Day (WYSD) amungtsü atema United Nation General Assembly-i telemtetba agi, ta Moakumzuk-i o jembidang ashi.
Paisa youth skill development indang tongtipang onüktem lemsatep aser iba benjungmung nung tarutsü atema teinyaktsütem asadangtsü ayongzük.
Iba sentong nung mendenji Government ITI Phek Vice Principal, Rokowhelie liasü aser Monica, ITI staff Phek-i anküp tepela o jembi.