PM Modi Meghalaya Dec 16 nü Shillong semdangtsü

Shillong, December 7 (Agencies): Ato Kilonser Narendra Modi-i Meghalaya December 16 nü BJP pur nübuyimba sentong tenzüktsütsü asoshi semdangtsü, kong taruba küm election agitsüba lir.
Home Minister Rajnath Singh-i Brehostibarnü Shillong nung Bharatiya Janata Party office semzüktsütsüba liasü saka pai iba sentong thitsü.
“December 16 nü Polo Ground nung Modi-i anir election atema nübuyimba sentong tenzüktsü. Pa arua shilem agiba ajanga state nung party pur jenjang tajungba akümtsü,” ta state BJP tir Shibun Lyngdoh-i ashi.
Congress-i aniba Meghalaya United Alliance puri term anabuba atonga Meghalaya yimsüsüa arudar.
BJP pur shirnok assembly nung kecha shilem mali parnoki taruba election nung menden 60 nungi 40 bo akoktsü imlar.