Rajasthan nung Swine Flu ajanga nisung 3 asü

Jaipur, September 9 (Agencies) : Rajasthan nung tetsür ana dena nisung asem tashi swine flu agi shirangba sülen süogo aser ano nisung tenet dak H1N1 aliba putetogo.

August 31 nü Baran district nung Vikram, September 4 nü Jaipur nung Parwati Bunkar aser September 7 nü Bundi district nung Manju nunger asü, state medical & health directorate ketdangser kati tanü metetdaktsü..

Ano, nisung tenet H1N1 positive ta puteta anepaludar, ta paisa shisem.

Rajasthan kübok district ajak nung mozükitem dang H1N1 agi shiranger nem ICU aser testing facilities teyari agütsütsü tetuyuba agütsüogo, ta ketdangserisa ashi.

Taküm January 1 nungi tang tashi nung Rajasthan nung nisung 438 tashi swine flu agi süogo.