Russell Brand-i India semdangdang pa indang phone auya

New Delhi, July 7 (Agencies) : Stand-up comedian Russell Brand-i tawa India semdangi arudang pa indang cell phone auya.

Arishi küm 40 tain Russel-i India nung Mumbai, New Delhi aser Bangalore yimtitem nung Comedy Central Chuckles Festival atema shilem agitsü aru.

Russel-i meshimejungertem aliba tesem ka semdangi aodang, pa indang longpant pocket nungi tanur kati cell phone ji auya, ta Contactmusic ajanga metetdaktsü.

Ajisüaka, idakji aliba tanur kati phone auyabaji angu aser pai phone ji meshir bener arua Russel ket nung agütsü.

Russel Brand-ia Instagram nung video ka ajanga iba tatalokba indang osang metetdaktsüogo.

“Tanur tem den kazüdang, parnok rongnung nisung kati kü indang phone auya. Ni ibaji mememet. Tatsü ka lir sülen tanga tanur kati phone ji meyipa bener arua kü nem agütsü. Ni tanur nemji sen aser tanga oset agütsütsü merang saka pai ibaji magizük” ta Russel-i video nung shia lir.