Sainik School, Punglwa cadet tem ‘Motivational visit’ agi

Dimapur, October 16 (TYO) : 37 Assam Rifles-i Sainik School, Punglwa nung cadet tem atema anogo ananü ‘Motivational visit’ ayongzüka agi, ta Hokolbarnü Assam Rifles sangdong ka nung metetdaktsü
Iba mapang 37 Assam Rifles (Headquarters aser Company posts) balala nung sentongtem ayongzüka agi. Iba mapang cadet tem dang Assam Rifles Battalion ka nung aliba institutes/ departments sayu aser sepaitemi idakji mapa inyakba reprangdangtsü.
Cadet tem ajungmesotsü atema Weapon/ Equipment Display aser ‘Firing Demonstration’ liasü aser iba mapang cadet temi prangpong aser osettsü tasentem angu.
Iba sentong nung Sainik School, Punglwa nung class 11 nung azünger cadet 46-i shilem agi aser parnok den külemi instructor 3 liasü.
Cadet temi 37 Assam Rifles aser 6 Sector Assam Rifles dang pelaba metetdaktsü ta AR sangdong nungsa shia lir.