Samabapur asoshi tanela khuret

“Kü mulungjang nung tejashi tulu aser manenba tekangshi lir ta, kü mulungsentsüi kü den Tanela Temeshi nung kuli agüja Khrista nung ni ochi ashir aser meyazür: Kechiyong shi nung kü adianutem aser kü kin atema ni kü sasa Khrista nungi atakatem akümtsü ni temulunger dang liasü.” – Rom 9:1-3.
Tenyar Paul dak samaba tanela shirnoki Yisu Khrista memetet, parnok anir arutsü asoshi Tsüngremi agütsüba khuret balaka liasü. Khuretji pei nübur Yihuda nungertem. Pai aria bilemtsü. Pa mulung nung parnok asoshi tarungba liasü.
Salvation Army telok tenzüksang General William Booth-i yamaji ashi, takoktsü ka ta dang sür, pai sayuba nüburtemji molumii ghonta 24 idaktsüner, idangji Yisu memetetertem asoshi shitakba kechi agi atadar parnoki metettsü.
Khrista makartem shirnok lir parnok asoshi asenok dak tanela tarungba alitsüla. Nai Tsüngrem dang tanela tarungba meshiang, aser apusotsü yakta renemang, kechiyong Pai yakta nü sarasadem langzütsü.
Sarasadem:
Kibuba! Samaba tanelatem anir arutsü, kü nem tanela tarungba agüjangma. Amen.