Samaroi ‘Yangyang’ kensep ka sayaogo

Dimapur, July 13 (TYO): Ajaki sapuba kentener telok Samaroi adokba kensep ka tenüng agi “Yangyang” DVD Video kensep ka sayaogo.

Iba kensep sayaba sentong tatsüka Hombar anepdang Dimapur nung Dimapur Ao Baptist Arogo kübok aliba Merali Fellowship nung akadang, sannüker Rev.Wati Kichui meshiteta sarasademtsü aser Tir Yimyim yimozülur, K.Temjen Jamiri Tsüngrem aser kentener samaro pur ajak nem tenüngsang agüja sayatsü.

Asangur asüba mapang kaketreju nung ajurutepa ken atentsü tenzükba telongjem meraksai tang tashi ken tasen teimba-teimba mejema nübortem temoatsü angutsüsa kensep adoktetba asoshi Samaro pur nem Tir Yimyim yimozüluri tenüngsang agütsü.

Tan adokba kensep ya Samaro teloki adokba kensep terbuba asütsü.

Iba kensep nung ken ti lir aser itemji A to Z, Zütsük onnang, Yangyang, Potifar kinüngtsü, Tir Yimyim, Temulung Ana, Tesangra Mulung aser Iba Lima ya ta asüba kentem lir.

Iba kensep aginürtemi parnok den mobile number 9436626511 aser 9856870141 ajanga tongtepratep sütettsü.