Sangtamtilla nung Badminton asayamung ayonger

Dimapur, Aenjeti 22 (Agencies): 7buba LT. Laxmi Sharma(Asula) Memorial Open Badminton Doubles Championship Aenjeti 25 nungi 27 tashi Blue Moon School, Sangtamtilla, Dimapur nung asayatsü. Iba asayamung ya Aenjeti 25 nü nikongtsütsü 4:00 ako nungi tenzüktsü, ta asayamung ayongertemi metetdaktsü.
Iba asayamung nung senpet ajak senteper sen 50,000 agütsütsü.
Maneni asayamung ya category ana küma lemsar asayatsü, ka open aser ka amateur. Asayamung nung shilem agitsüba atema form Kiran Sports aser Yonex Store, Dimapur nung angutsü. Iba asayamung sponsors ji Kiran Sports aser A1 Powerplay asütsü.