SCO senden mapang Modi aser Sharif na ajurutsü

New Delhi, July 08 (Agencies): July 10 nü Russia nung SCO senden mapang Ato kilonser Narendra Modi aser Pakistan Ato kilonser Nawaz Sharif na ajurutsü, ta osang ka ajanga ashi.
Osang ajanga angazükba agi, Modi aser Shariff na Shanghai Cooperation Organisation (SCO) Summit nung adentsü asoshi Ufa-i aotsü, aser iba senden aliba mapang nungsa mapang ka apir tena ajurutsü.
Ajisüaka iba senden indang osang tejangjabo memetetdaktsü.
Linük trok semdangtsü asoshi Modi tanü linük nungi apusoa liasü, aser pa Russia nung SCO aser BRICS senden na nung adentsü.
Yaküm Nov. ita Kathmandu nung SAARC senden nung Modi aser Shariff naprong denogo saka tena majurutepi liasü.
Muslim nunger temeshi ita, Ramzan tenzükba mapang nung Ato kilonser Modi-i phone ajanga Sharif den salem osang lemsatepba den külemi linük ana tsüngda tesentaktep junga alitsü aser yimjung nüngdakba indang süoka jembiogo.
Phone ajanga jembiba mapang nungjisa Modi-i Shariff dang Ramzan nüngtem nung Pakistan nunger angopurtem chioktsü India-i lemtetogo, ta metetdaktsü.