Shi tali achiba ajanga diabetes animesor

Alima ajunga nung medical professionals temi Diabetes tashidak ya ola madoki nisung ka tepsetba tashidak (silent killer) ta ajar aser iba tashidak keta aliba temaitsü tera danga aliba ya tebilemtsü ka lir.
Iba tashidak ya azü nungia arur mesera taküm yimya shidak maliba ajangaa adokdaktsür.
Iba tashidak nokdangtsü asoshi medical tsütsü nung tetuyuba agütsüba lenmang aika lir aser shirnok iba tashidak agi atongtsü asoshi ana nung lir parnok dang chia ajemba nung azüoktsü asoshi ajungshir.
Iba dak sendakba nung, shi achitsü asoshi jangrartem nem tekümdakgtsü agütsüogo, kechiyong iba ajanga diabetes adokdaktsütsü asoshi ana nung lir.
Duke-NUS Medical School (Duke-NUS), Singapore nung bushisüngdangertemi ngutetba agi shi (red meat aser poultry) tali achiba ajanga iba tashidak adokdaktsütsü kanga ana nung lir aser ibaji shi nung ‘heme iron’ dena aliba ajangaa lir.
Senior author Koh Woon Puay-i ashiba agi, “Asenoki shi khenyongi machitsü taa masü. Singapore nungertemi shi tera ajemer achitsüla aser iba melena angu mesera süngolemba nung protine peria aliba aser mamatzü nungi adokba chiyongtsütem bushia achitsüla, iba ajanga diabetes adoktsü nungi kümzüktsü.”
Iba bushisüngdangba telok ajanga 1993 nungi 1998 tashi nung arishi küm 45 nungi 74 tashi nung aliba nisung 63,257 asadanga liasü aser maneni parnok küm 11 tashi asadanga liasü.
Parnoki iba bushisüngdang ajanga shi tali achba nung timtem aliba ngutet.
Shi aser ozüshi achiba melena ango/shellfish achiba ajanga iba tashidak agi atongtsüba chance tajemba kümdaktsür.
– Source : Internet