Swachh Pakhwada competition under DMA SSA Kohima district

September 15, 2017 nü SDO(C) Kohima Zhoi Lohe den Swachh Pakhwada (Cleanliness & sanitation) Competition nung takok angurtem külemi agiba noksa angur. 

Kohima, September 15 (TYO): Hokolbarnü District Mission Authority SSA Kohima district kübok Swachh Pakhwada (Cleanliness & Sanitation) competition indang sempet alemba sentong ka agi.
Swachh Pakhwada sentongji DMA, SSA, Kohima kübok September 1 nungi 15, 2017 tashi agia liasü aser iba sentong nung Kohima district kübok sorkar school 187-i shilem agia liasü.
Anogo 15 nü tetoktepbatem agiba dak alia school telongtet nung merükmejutsü, social work inyaktsü, school nung süngdongtem atemtsü, dustbins yanglutsü, hand wash day amungtsü, school merükmejuba nung SMC/Parents senden amentsü aser school o yimtsüngtem nung water storage tanks merüktsü indang tenangzükbatem agia liasü.
Tanü agiba sentong nung o jembidang SDO(C) Kohima Zhoi Lohe-i kaketshirtem aser school ketdangsertem dang pei pei school aser telongtet nung merükmeju mapa inyaktsü ayongzük.
Paisa merükmejuba maparen tajungba nung inyaktsü aser Nagaland ya merükmeju state ka kümdaktsütsü atema tayongzükba agütsü.
Sentong nungsa Sub Divisional Education Officer Tseminyu, Orenponi Lotha-i o jembi.
Sentong nung mendenji Sub Divisional Education Officer, Kohima Talinganla liasü aser laisa tesentepertem pela agizük aser Assistant District Coordinator, DMA, SSA, Kohima Thongsenlo-i anküp tepela o jembi.
Tetoktepba balala nung takok angur nem sen 32,000 jungnüa senpettem agütsü.
TOILET CLEANING COMPETITION: 1st GMS Logwesunyu, 2nd GPS Tsiepfü-Tsiepfhe and 3rd GPS Dzükhwekie.
ESSAY WRITING COMPETITION: 1st Vimeyienu Kulnu of GMS Jakhama A, 2nd Kuakhailiu of GHS Nerhema (Nerhe Model), 3rd Gloria Kath of GHS Chunlikha.
LETTER WRITING COMPETITION: 1st- Nourhetuo Chase of GHS Rüsoma, 2nd Thejavinuo Kiwe of GHS New Market, 3rd Wangshai of GMS K. Khel Viswema.
OVERALL PERFORMANCE OF SCHOOLS: 1st GMS Tesophenyu Upper, 2nd GHS Tasazhu, 3rd – GMS D. Khel Kohima.