Talang aliba nisung : Yohan 18:15-27

Ibai nütsüng ka liasü shiba dang “Lung” ta aja. Asen Kibubai tarutsü tia nung ranglok aser Simon jakla nung taochi aser tazüokba lung ama temerang angu. Saka ano yangi mekangsatsüsa lung temerang peria maliba angur! Peter tashimait liasü; pa melokshishiba lung ama masü; mopungi onshiba tzütok ama pa liasü. Kilitsür kati pa den miima jembi, aser pa mulungjang nung tasümait aita pa bangi tiyazü jembi aser pai Kibuba magizük.
Peteri sen meimba magizük masü, saka pai nisungtem tsübu. Pai korang mebushi saka telok ain adokba nungi kümzüktsü merang. Pai narozük nung mesot, saka noklang nokji paitoktsü merang. Ibai merumeruba masü, saka tasümait, koba agi pa lemang shimtetdaktsü. Pai Kangki nung angenlokbaji paitok! Pai Kangki ka angu, aser tiyazü tulu jembia aji paitoker tangaleni ao.
Saka Kibubai Peter den tatem maküm. Pai maneni Peter yanglushitsü. Kenü Pai pa tenüng tasen jangjatsütsü. Kenü anogo asenoki ibaji zülur angutsü; “Kodang parnoki Peter tasü aitba angu, parnok süngmanga liasü!” Khen kilitsür kati pa atentendaktsü. Tang pai “tasü ita aser melokshishi” temaba jenjang nung noktaktsü akok.
Tasümait tanela, khen atema bilema, aser nisung tsübuba nungi ni kümzükang, Kibuba.