Tanü National Prayer Day amungtsü

Dimapur, November 17 (TYO): Nagaland Legislators Christian Fellowship-i asüng (November 18) National Prayer Day ayonga amungtsü.
Sentongji asüngnep 8:00 ako nungi 10:00 ako tashi State Banquet Hall, Kohima nung agitsü.
Iba sarasademba anogo nung onoki tamangba yimsü, arogo aser civil society ajak nungi nisungtemi Nagaland nung yimjung atema sarasademtsü ayongzüker. Onokisa iba anogo ya tamangba yimsü balalai inyakba ama sarasadema aser lumia amungtsü ayongzüker, ta CMO Media Cell sangdong ka nung metetdaktsü.
Tsüngremer temoatsü bilemtettsü aser timtem mapang Pa dang nungi shisatsü meshitsü atema iba sarasadem anogo ya tongtipang lir. Iba mapang asenokia Tsüngrem tsüngdangi odi aser asen lennirtem asoshi Pa dang nungi shisatsü meshitsüdi aser Par nübortem asoshi Pa taochi meshidi, ta sangdong nungsa shia lir.