Tanurtem tebok aoba (Diarrhea) anepaluyim

Tatsük mongpu aser tzünglu aruba mongpu nung arishi küm 5 ser tekübokpur tanurtem tebok aoba (diarrhea) tashidak kanga bulur, aser ibaji kanga junga anepalu mesüra taküma samar.
Iba wara agi atongba temaitsü rongnung- chi manangtsü, temang metatsü, tebok angotsü, saktsünütsü, scü nung alok-metsü mesüra azü densema aotsü.
Diarrhea anepaluyim kar:
1) Iba tashidak nokdangtsü atema tzü mesüra tsükmenatsü juice agütsütsüla. Ner chirji mama teyongdak süra mama peria agütsütsüla. Tanang aketba chiyungtsü magütsütsüla.
2) Tanur nem chi, somomo, loaf amtsük (bread toast) aser apple sauce agütsütsüla. Item chiyungtsü agi parnok tebok meraksatsü. Ajisüaka tanur nem nashi mamatzü agi yangluba formula, nashi mamatzü products den naspati, apple, mokori, cherry aser plums indang juice magütsütsüla.
4.) Somomo/mongo nung nüngdakba nutrients aika lir, anungji iba süngjang ya tanur atema kanga tetemsü lir. Somomo nung zinc, iron, magnesium, calcium, vitamin C, vitamin B6, aser vitamin A lir. Ajisüaka mongoji junga mamen süra ibai ajanga tebok atangtsü, anungji magütsütsüla. Tebok aodang electrolyte indokbaji somomo achiba ajanga shilanga arutsü.
5.) Süngmok aser alo (potato) ajanga tebok aser tar dak sendakba inyakyim nung yaritsü.
Süngmok ajanga tebok aoba nokdangba nung yaritsü. Süngmok powder spoon ka ninang-mochitzü den meyokteper agütsütsü junger.
Alo kija metar chidaktsüba ajanga nutrients shia arutsü. Iba chiyungtsü ajangasa tebok angoba süngjemtsü.
Doctor dangi kodang anir aotsüla:
* Tanü scü nung azü densema ora.
* Aiben saaktsüra.
* Chiyungtsü kecha achitsü mesüra ajemtsü memulungra .
* Yimya khenyongi balaka melenshia tashi kanga meiti kümra.
(Source- Internet)