Tenük merem agi arishidaktsür

“Kechiyong tenük meremba agi nisung ka rasarabongdaktsür; aser mangyangba anogo nung pai mapayutsü”. A. Shin 6:34
Saul chuba Israel madak yimsü asütsü atema Tsüngremi shimtet. Tsüngremi mulungba ajak inyaker amai inyaka ao. Samuel ajanga Tsüngremi nung ta ashiba pai inyak iba yongji pa chuba menden nungi atsüngdoktsüsa ajuru.
Dawid tila tanur ka liasü saka Tsüngremi pa ajanga Filistia nunger ket nungi Israel kümzük. Pai Goliath akok aser Israeli Filistia nunger tepseta takok tulu bener aru. Nüburtem kanga dang pelatep, ken tena Dawid tenüng kanga asang.
Kodang Saul Chubai angashi pa jashia tenük merem. Pai Dawid anema tamajung bilem. Pai Dawid taküm agitsua arishi saka Tsüngrem pa den alinung item lendong ajak nungi kümzük.
Tenük merem ajanga rasarabong adokdaktsür aser nisung taküm ka samadaktsütsü mapayur.
Sarasadem:
Kibuba kü dak iba tenükmerem agi matongtsüsa ni sota kümzukangma. Amen.