Tom Hanks-i par jabaso yaritsü nangzükogo

October 06, 2015 : Oscar senpet angusang, Tom Hanks’er jabaso-i October 4 nü pa joko temesepa achiajem nungi pilar temang anep aludar ta metetdaktsüogo.
Arishi küm 25 tain, Chester Hanks cocaine ayokba aser achiba nangzükogo. Iba temesepba chiyungtsü amshia aser achiba ajanga pa taküm kanga mejungi raksaogo aser tang teyari bushir.
Tesüiba Deobar nü Tom-i shilem agiba film ‘Bridge of Spies’ sayadang Chester-i ochi shia pai tai inyakba nangzükba ngua Tom-i kechi südir süang pa teti jabaso asoshi alitsü, ta ashi.
“Tsürabur ka ama jungang- tejung asenok ajaki pei chirnur meimer,” ta pai Entertainment Tonight dang ashi. “Parnok mera aoba shia nung asenoki nungiter,” ta paisa shisem.
Tom aser Rita na jabaso rongnung Chester ya tambusang aser Truman tanubusang lir. Iba den külemi Tom kinüngtsü tejenla, Samantha Lewes dena jabaso Colin aser jala Elizabeth na agi sosema lir.