Tsüngremi angashidaki

Oh Kibuba, anepdang nai kü ola angashir; anepdang ni kü temepishiba ne dangi abentsü aser yongyaseta atatsü.  – Tenüngsang Ken 5:3
1982 küm sayutsüngir Billy Graham ‘The Today Show’ nung interview ka agitsü aru. Iba sentong metenzükdang Billy Graham sarasademtsü atema takdang ka renema lidaktsüner ta sentong Director Ross-i tenzüker kar dang ashi. Parnok studio ji tonga arur külen sarasademba takdangji kecha balaka menüngdaker ta ashi. Kechiaser, “Billy Graham-i anepdang sakdanga sarasademer, pa chiyungdanga sarasadem, ghari nung mener studio jagi arudanga sarasadema aru, aser ana pai interview agiba mapang piyong jia sarasademtsü.”
Sarasademtsü atema mapang balaka menüngdaker kechiaser mapang ajak nung pai sarasadem. Sarademtsüba ya sentong ka yanglua yur agitsüba masü saka na Tsüngrem den maneni tesendaktep akaba kuli ka lir. Kibubai anepdang nungi kü ola angashir, anepdang ni kü temepeshiba Kibuba dangi abener (T.Ken 5:3); nikongdang aser anüngdang timtem nung ni ayimten, aser Pai kü ola angashir (T. Ken 55: 17). Sarasadembaji asen taküm yimya ka kümdaktsüra asenoki Tsüngrem mesüka litettsü.
Tsüngrem den sarasadem ajanga tanen makai jembitettsü. Pai asenok dang teti angaa alir.
Sarasadem: Sarasademji kü taküm sobutsü kümdi. Amen.